ပထမဦးဆုံး လိုအပ်တဲ့ ဖိုင်တွေကို ဒေါင်းလုပ်ချလိုက်ပါဦး။ Huawei Driver မရှိသေးရင်လည်း ဒေါင်းလုပ် ချပြီး install လုပ်ထားပါ။
Huawei Driver တွေ install လုပ်ပြီးသွားရင်တော့ Huawei U8860.zip ဖိုင်ကို အရင်ဆုံး ဖြည်လိုက်ပါ။ ပြီးရင် မိမိရဲ့ ဖုန်းကို ပါဝါပိတ်လိုက်ပါ။ ကွန်ပျူတာနဲ့ မချိတ်ထားပါနဲ့ဦး။ ပြီးရင်တော့ Huawei ဖုန်းဘေးမှာပါတဲ့ Vol Up + Down ခလုတ်နှစ်ခုကို တစ်ပြိုင်နက်တည်းဖိထားပြီး ပါဝါခလုတ်ကို နှိပ်လိုက်ပါ။ ဒါဆိုရင် ဖုန်း screen မှာ ပန်းရောင် screen ဖြစ်သွားပါလိမ့်မယ်။ အဲလိုဖြစ်သွားချိန်မှာ ကွန်ပျူတာနဲ့ ချိတ်ပါ။ Removable Disk တစ်ခု ပေါ်လာပါလိမ့်မယ်။ အဲဒီ Removable Disk ထဲကို သွားပါ။ img ဆိုတဲ့ Folder လေး တွေ့ပါလိမ့်မယ်။ အဲဒီ Folder လေးကို ဖွင့်လိုက်ပါ။ အဲဒီအောက်ထဲမှာ Recovery.img ဆိုတဲ့ File လေးကို Recovery.org (or) Recovery.net လို့ဖြစ်ဖြစ် ပေးလိုက်ပါ။ ပြီးရင်တော့ ဒေါင်းထားတဲ့ ဖိုင်တွေထဲက Recovery-v8.img လေးကို Recovery.img လို့ နာမည်ပြောင်းပြီး Removable Disk\img\ ထဲကို Copy ကူးထည့်ထားပါ။ ပြီးရင်တော့ ဖုန်းဘက်ထရီကို ဖြုတ်ပြီး ပြန်တပ်ပါ။ ပြီးရင်တော့ ပါဝါခလုတ်ကို ဖိနှိပ်ပြီး ဖုန်းရဲ့ Settings ထဲကို သွားပါ။ Application အောက်ထဲက Fast boot ကို အမှန်ခြစ်ဖြုတ်ပစ်ပါ။ ပြီးရင် ကွန်ပျူတာနဲ့ ပြန်ချိတ်ပါ။ Superuser-3.0.7-efghi-signed.zip ဆိုတဲ့ ဖိုင်ကို sdcard အောက်ထဲကို ဒီအတိုင်း folder တွေမဖွဲ့ဘဲ၊ zip ဖိုင်ကို မဖြည်ဘဲနဲ့ ထည့်ပေးပါ။ ပြီးရင်တော့ Phone ကို ပြန်ပိတ်လိုက်ပါ။
ပြီးရင်တော့ phone ဘေးမှာရှိတဲ့ Vol up + Power ကို တွဲနှိပ်ပေးပါ။ ဒါဆိုရင် Recovery Mode ပေါ်လာပါလိမ့်မယ်။ အဲဒီထဲမှာပါတဲ့ Install update from zip ဆိုတာလေးကို ရွေးပါ။ ပြီးရင် choose update from zip ဆိုတာကို ထပ်ရွေးပါ။ ပြီးရင်တော့ sdcard ထဲမှာထည့်ထားတဲ့ Superuser-3.0.7-efghi-signed.zip ဖိုင်လေးကို ရွေးပေးလိုက်ပါ။ ဒါဆိုရင် update လုပ်နေပါလိမ့်မယ်။ အားလုံးပြီးသွားရင် reboot ပြန်ပေးလိုက်ပါ။ ဒါဆိုရင်တော့ ဖုန်းက ပုံမှန်အတိုင်း ပြန်တက်လာပါလိမ့်မယ်။ ယုန်ပုံစံနဲ့ Superuser ဆိုတာကို တွေ့ရင် ဖွင့်လိုက်ပါ။ Allow ပေါ်လာရင် allow ပေးလိုက်ပါ။ ဒါဆိုရင်တော့ ကျွန်တော်တို့ Huawei U8860 ကို root လုပ်လို့ပြီးသွားပါပြီ။
ဒါဆိုရင်တော့ မြန်မာစာဆက်ထည့်ကြရအောင်။ SD card အောက်ထဲကို BusyBox-Pro-v7.9.1-approb.com_2.apk နှင့် FontChangerLite_v1.8.5.apk ဆိုတဲ့ ဖိုင်လေးနှစ်ဖိုင်ကို copy ကူးထည့်ပေးပါ။ ပြီးရင်တော့ phone ရဲ့ file manager ကနေပြီးတော့ Install လုပ်ပေးပါ။ ဒါဆိုရင် Phone screen မှာ Busy Box နဲ့ Font Changer ဆိုပြီး နှစ်ခုထပ်ပေါ်နေပါလိမ့်မယ်။ Busy Box ကိုဖွင့်ပါ။ Superuser ကနေ permission တောင်းရင် allow သာပေးလိုက်ပါ။ ပြီးရင် Busybox ကို install လုပ်ပေးပါ။ ပြီးသွားရင် ပြန်ထွက်ပါ။ Zawgyi-One.ttf ဖိုင်ကို sdcard အောက်ထဲက .fontchanger (ရှေ့မှာ dot ပါပါတယ်) ထဲကို ထည့်ပေးပါ။ ပြီးရင်တော့ Font Changer ကို ဖွင့်လိုက်ပါ။ Zawgyi-One.ttf ဖိုင်လေးကို တွေ့ရင် နှိပ်လိုက်ပါ။ Apply တောင်းရင် ပေးလိုက်ပါ။ Reboot လုပ်ခိုင်းရင် မလုပ်လိုက်ပါနဲ့။ Reboot later ကိုသာ ရွေးပေးလိုက်ပါ။ ပြီးမှ Phone Power button ကို နှိပ်ပြီး Restart လုပ်ပါ။ ပြန်တက်လာလို့ရှိရင် မြန်မာစာလက်ကွက်ကို ထပ်ပြီး install လုပ်ပါ။
MyanmarKeyboard.apk ကို sdcard အောက်ထဲကို copy ကူးပါ။ file manager ကနေပြီး Install လုပ်ပါ။ ပြီးသွားရင် မြန်မာကီးဘုတ်ဆိုပြီး တွေ့ရပါလိမ့်မယ်။ Phone Settings ထဲကိုသွားပါ။ Language & Keyboard ထဲကိုသွားပါ။ မြန်မာကီးဘုတ်ကို အမှန်ခြစ်ပေးပါ။ Select Input Method မှာ မြန်မာကီးဘုတ်ကိုပဲ ထပ်ရွေးပေးပါ။ ဒါဆိုရင်တော့ ကျွန်တော်တို့တွေ Huawei U8860 ကို Firmware Upgrade လုပ်စရာမလိုပဲ မြန်မာစာဖောင့်ကို ထည့်သွင်းလို့ရသွားပါပြီ။
No comments:
Post a Comment